Edhe Vlora u zgjua këtë të mërkurë me reshje të dendura shiu.

Mjaftuan vetëm 40 minuta shi me intensitet të lartë dhe uji vërshoi në lagjet kryesore të qytetit.

Lagjia “Pavarësia”, zona e Skelës, lagjia “28 Nëntori”, “Rilindja” dhe shumë rrugë të tjera janë nën ujë.

Përmbytjet po shkaktojnë probleme në qarkullimin e këmbësorëve dhe mjeteve.

Rrugët më problematike ku është pezulluar çdo lëvizje si e mjeteve, por dhe e kalimtarëve janë rruga “Hasan Kushta” dhe “Xhebro Gjika”, përkatësisht në lagjet “Rilindja” dhe “28 Nëntori”.