Qeveria zvicerane ka vendosur ngrirjen e pasurive që i përkasin presidentit të Venezuelës, Nicolas Maduro, si dhe personave të tjerë të lidhur me regjimin e tij. Vendimi synon të pengojë transferimin apo fshehjen e aseteve të dyshuara jashtë territorit të Zvicrës.
Sipas autoriteteve në Bernë, masa është parandaluese dhe do të shërbejë për të ruajtur pasuritë deri në përfundimin e procedurave ligjore. Në rast se hetimet vërtetojnë se këto fonde janë përfituar në mënyrë të paligjshme, Zvicra ka deklaruar se do të ndërmarrë hapa për t’i rikthyer ato popullit të Venezuelës.
Zvicra ka vendosur sanksione ndaj Venezuelës që prej vitit 2018. Këto masa përfshijnë ngrirje asetesh dhe ndalime udhëtimi për gjithsej 54 individë të lidhur me qeverinë e Karakasit.
Edhe pse nuk dihet saktësisht se çfarë pasurie mban Maduro në bankat zvicerane, një raport investigativ i publikuar në vitin 2021 nga media vendase, i bazuar në dokumente të rrjedhura, sugjeronte se prokurorët zviceranë kishin identifikuar llogari bankare me vlerë rreth 10 miliardë dollarë, të dyshuara si fonde publike të përvetësuara nga Venezuela.
Vendimi për ngrirjen e aseteve ka hyrë në fuqi menjëherë dhe do të mbetet i vlefshëm për një periudhë katërvjeçare, ose deri në një njoftim tjetër zyrtar nga autoritetet zvicerane./ Zoom.al
p
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
