Kryebashkiaku i Tiranës, Erion Veliaj është bërë për herë të dytë baba i një djali.
Mësohet se kryetarit të Bashkisë i është aprovuar nga Prokuroria e Posaçme një leje 48 orëshe për të lënë qelinë dhe për të shkuar drejt maternitetit Koço Gliozheni, ku do të vizitojë beben dhe bashkëshorten.
Bashkëshortja e tij Ajola Xoxa, e cila është momentalisht në detyrim paraqitje në SPAK, për shkak të akuzave për pastrim parash ka kryer më herët procedurat e IVF-së. Shtatzënia u njoftua gjatë kohës që kryebashkiaku qëndronte në qeli.
Veliaj ndodhet në burg që prej 10 shkurtit të vitit 2025. Prokuroria e Posaçme ka ngritur një sërë akuzash ndaj tij, duke përfshirë korrupsion pasiv në disa raste, pastrim parash, mosdeklarim të pasurisë, shpërdorim detyre dhe futje të sendeve të ndaluara në burg./ Zoom.al
Pas dorëheqjes/ A do të bëhet Vuçiç sërish kryeministër i Serbisë?
