Përfaqësues të regjimeve shtypëse nga e gjithë bota fluturuan drejt Uashingtonit për mbledhjen inauguruese të këtij organi.
Nga Oliver Holmes – The Telegraph
Një grup udhëheqësish botërorë dhe dërgatash të tyre, kryesisht shtypës dhe autoritarë, fluturuan drejt Uashingtonit për mbledhjen inauguruese të Bordit të Paqes të sapokrijuar nga Donald Trump.
Ky organ u krijua për të zbatuar vizionin e tij për të ardhmen e Gazës pasi ajo u shkatërrua nga Izraeli, por Trump e ka zgjeruar fushëveprimin e tij, duke e quajtur atë “organin ndërkombëtar më me peshë në histori”. Fuqitë globale, përfshirë aleatët tradicionalë të Uashingtonit, ftojnë se ky organ i udhëhequr nga SHBA është një përpjekje për të anashkaluar Kombet e Bashkuara më demokratike dhe për t’i zëvendësuar ato me një klub anëtarësh me pagesë, i drejtuar sipas tekave të një njeriu të vetëm.
Disa qeveri, përfshirë Italinë dhe Greqinë, dërguan vëzhgues.
Ajo që është e qartë është se shumë nga vendet anëtare themeluese drejtohen si regjime ushtarake ose diktatura, ndërsa të tjerë u bashkuan për t’i bërë qejfin Trump-it. Këtu është një listë e disa pjesëmarrësve të konfirmuar dhe ku renditen vendet e tyre në raportin vjetor për të drejtat politike dhe liritë civile, të përpiluar nga organizata mbikëqyrëse e demokracisë, Freedom House.
Lindja e Mesme
Kryeministri egjiptian Mostafa Madbouly Indeksi i Lirisë në Botë: (18/100) “Jo i Lirë”
Raporti i fundit i Freedom House paraqet një imazh negativ të situatës së të drejtave në Egjipt, duke raportuar një mjedis me liri civile dhe liri të shtypit rreptësisht të kufizuara. Presidenti Abdel Fattah al-Sisi e ka drejtuar Egjiptin “në një mënyrë gjithnjë e më autoritare” që nga marrja e pushtetit me grusht shteti në vitin 2013.
Ministri i Jashtëm turk Hakan Fidan Indeksi i Lirisë në Botë: (33/100) “Jo i Lirë”
Trump shpalli plane për të krijuar një Bord Ekzekutiv për Gazën, ku do të përfshihej edhe Hakan Fidan. Ai i raporton presidentit turk, Recep Tayyip Erdoğan, i cili, sipas Freedom House, ka konsoliduar pushtetin “përmes ndryshimeve kushtetuese dhe burgosjes së kundërshtarëve politikë dhe gazetarëve të pavarur”.
Ministri i Jashtëm izraelit Gideon Sa’ar Indeksi i Lirisë në Botë: Izraeli (73/100) “I Lirë”,
Bregu Perëndimor (22/100) “Jo i Lirë”, Gaza (2/100) “Jo i Lirë” Sa’ar do të përfaqësojë Izraelin në emër të kryeministrit Benjamin Netanyahu. Ndërsa izraelitët gëzojnë një “demokraci parlamentare”, raporti paraqet një situatë të tmerrshme për palestinezët nën pushtimin izraelit.
Azi
Europë
Kryeministri shqiptar Edi Rama Indeksi i Lirisë në Botë: (68/100) “Pjesërisht i Lirë”
Shqipëria, e cila udhëhiqet nga artisti-politikan socialist Edi Rama, ishte një anëtare themeluese e Bordit të Paqes. Rama tha këtë javë se vendi nuk do të bëhej anëtar i përhershëm, status i cili vjen me një faturë prej 1 miliard dollarësh. Ky vend europian konsiderohet “pjesërisht i lirë” nga Freedom House, e cila thotë se Shqipëria ka një rekord zgjedhjesh konkurruese. “Korrupsioni dhe ryshfeti mbeten probleme kryesore, megjithëse qeveria po punon për të adresuar korrupsionin në gjyqësor.”
Kryeministri hungarez Viktor Orbán Indeksi i Lirisë në Botë: (65/100) “Pjesërisht i Lirë”
Nacionalisti i krahut të djathtë është një nga aleatët më të ngushtë të Trump në BE. Freedom House akuzon qeverinë e tij për hartimin e ligjeve që pengojnë operacionet e grupeve opozitare, gazetarëve dhe organizatave joqeveritare.
Presidentja e Kosovës Vjosa Osmani Indeksi i Lirisë në Botë: (60/100) “Pjesërisht i Lirë”
Presidentja Vjosa Osmani është e vetmja grua që ishte anëtare themeluese e Bordit të Paqes të Trump. Freedom House thotë se vendi i vogël ballkanik mban “zgjedhje të besueshme dhe relativisht mirë të administruara”, por institucionet publike minohen nga korrupsioni i rrënjosur.
Amerika e Jugut
Presidenti argjentinas Javier Milei Indeksi i Lirisë në Botë: (85/100) “I Lirë” Argjentina merr një vlerësim të lartë në indeks, me Freedom House që vlerëson “demokracinë e saj përfaqësuese vibrante me zgjedhje konkurruese, media aktive, sektorë të shoqërisë civile dhe debat publik të papenguar”.
Megjithatë, vendi po transformohet nën udhëheqjen e presidentit 55-vjeçar libertarian dhe ish-personazh i njohur televiziv, Javier Milei. Ky i fundit, së bashku me zyrtarë të tjerë qeveritarë, ka akuzuar universitetet për “indoktrinim të studentëve me ideologji të majtë”, sipas Freedom House. Milei është një aleat i ngushtë i Trump-it, i cili kërcënoi se do të ndërpriste ndihmën e SHBA-së nëse argjentinasit nuk do të mbështesnin koalicionin e Mileit në zgjedhjet legjislative të tetorit. / Përgatiti në shqip Zoom.al
Botërori humbet një legjendë! Messi i jep lamtumirën mes lotësh
