Boksieri britanik i peshave të rënda Anthony Joshua ka lëshuar një deklaratë pasi u plagos në një aksident me makinë në Nigeri të hënën në mëngjes, ku humbën jetën dy nga miqtë e tij të ngushtë.
Ish-kampioni botëror i boksit në peshat e rënda u dërgua në një spital pasi makina e tij u përplas me një automjet rreth orës 11:00 të mëngjesit në autostradën Lagos-Ibadan, tha komisioneri i policisë së shtetit Ogun, Lanre Ogunlowo. Shoferi i automjetit të Joshuas u plagos gjithashtu, shtoi ai.
Një zëdhënës zyrtar i Joshuas tha: “Me trishtimin më të thellë konfirmojmë, pas një aksidenti rrugor në Lagos të Nigerisë më herët, vdekjen e Sina Ghami dhe Kevin ‘Lateef’ Ayodele.
“Të dy ishin miq të ngushtë dhe anëtarë të rëndësishëm të ekipit të Anthony-t. Ne kërkojmë me respekt që familjeve t’u jepet hapësirë dhe privatësi në këtë kohë ndërsa ata përballen me këtë lajm vërtet tronditës dhe shkatërrues. Anthony pësoi lëndime në aksident dhe u dërgua në spital për kontrolle e trajtim, ai është në një gjendje të qëndrueshme dhe do të mbetet atje për vëzhgim.”
/Zoom.al
Identifikohen viktimat e aksidentit në Sauk, të dy shtetas të huaj
