Anthony Joshua ka nënshkruar një marrëveshje për t’u përballur me ish-kampionin e botës në peshat e rënda, Tyson Fury.
Joshua, i cili nuk ka dalë në ring që pas aksidentit të rëndë me makinë ku udhëtonte si pasagjer në dhjetor, do të zhvillojë së pari një ndeshje rikthimi kundër Kristian Prenga në Riad, Arabi Saudite, më 25 korrik.
36 vjeçari do të përballet me boksierin shqiptar, i cili krenohet me një rekord prej 20 fitoresh, dhe një humbje.
Dalja më e fundit e boksierit britanik në ring ishte kundër Jake Paul në dhjetor.
Më vonë atë muaj, shoferi i Joshuas u përplas në Nigeri dhe dy anëtarë të ekipit të boksierit humbën jetën.
Një datë ose vend për ndeshjen Joshua kundër Fury nuk është njoftuar ende. Mendohet se mund të ndodhë në nëntor në gjigantin e transmetimit Netflix.
Joshua mori pjesë në ndeshjen e fundit të rikthimit të Fury kundër Arslanbek Makhmudov dhe u thirr në ring nga rivali i tij britanik. 37 vjeçari Fury u përpoq ta fuste Joshuan në ring, por ai refuzoi.
Më pas, ekipi i Fury tha se kishin nënshkruar pjesën e tyre të kontratës dhe po prisnin që Joshua të bënte të njëjtën gjë.
“Pres me padurim të garoj dhe të vazhdoj aty ku e lashë,” shtoi Joshua.
