Një aksident i rëndë është shënuar sot në aksin rrugor që të çon drejt fshatit të Zvernecit.
Tre makina janë përplasur me njëra-tjetrën, duke lënë të plagosur dy persona, mes tyre dhe një fëmijë si edhe duke shkaktuar dëme të konsiderueshme materiale.
Dy të lënduarit udhëtonin në një automjet me targa italiane dhe janë transportuar me urgjencë drejt spitalit rajonal të Vlorës, ku ndodhen nën kujdesin e mjekëve.
Policia ka mbërritur në vendngjarje dhe po heton rrethanat e plota të ngjarjes./ Zoom.al
