“Nuk kam komunikim apo kontakte. Nuk ka qenë asgjë e rëndësishme. Ishte thjesht një votim tek “Kënga Magjike” dhe nuk ia vlen të flasim për atë gjë”- u shpreh ai.

Çdo gjë nisi në edicionin e “Kënga Magjike” në vitin 2018, kur Mentori komentoi performancën e Fifit dhe cilësoi se ajo kishte stonuar.

“Thjesht ka qenë performanca më e dobët e festivalit, stonatura ka qenë e jashtëzakonshme. Mendoj që ka qenë një ndër performancat më të dobëta. Nuk ishte kënga e keqe vetëm se performanca nuk ka qenë për t’u lëvduar. Diçka ndodhi me Fifin dhe Kreshën me mikrofonin dhe dëgjuesin. Fifi nuk ka qenë në më të mirën e mundshme për shkak të stonaturës”- pati thënë Mentori.

Nuk pati vonuar përgjigjja e Fifit e cila e ka quajtur “ulje” deklaratën e tij që artistët merren vesh me njëri-tjetrin për pikët. Fifi i tha Mentorit se nuk është në formën e tij më të mirë artistike siç ishte kur këngët ia prodhonte Flori Mumajesi. Që atëherë dy këngëtarët kanë patur mjaft debate nëpër rrjetet sociale dhe mesa duket nga deklarata e fundit nuk e paskan gjetur gjuhën e përbashkët.