zoom

Direct tv
DirectKërko
Direct Radio
Radio
Lajmet e fundit
Të gjitha

2 roje të armatosur ruanin pakot “Louis Vuitton” të shqiptarit në Brazil, çfarë u zbulua në to

Dy brazilianë të armatosur ruanin sasinë e kokainës e zbuluar në banesën e shqiptarit Altin Drimadha në San Paolo. Sasia e pakove ishte e mbështjellë me logon e firmës ‘Louis Vuitton’ dhe ishin bërë gati për t’i dërguar në Antëerp, Belgjike. Shqiptari dyshohet se është në arrati e se mund të gjendet në kufijtë e Bolivisë.

25 oficerë të policisë federale hynë në banesën e Drimadhes, çarmatosën dy rojet braziliane të cilat ishin duke ruajtur sasinë e drogës e më pas zbuluan edhe 230,000 dollarë. Policia konfiskoi edhe dy telefona celularë të koduar, dy pushkë sulmi AK 47 dhe një USB që përmbante një video regjistrim të procesit të ngarkimit të kokainës.

Deri më tani janë arrestuar dy brazilianët të cilën u gjetën në banesë në momentin që u bë aksioni. Po ashtu, është zbuluar edhe një sasi tjetër droge e cila bën pjesë në grupin e shqiptarit. Garda Kombëtare Republikane arrestoi kapitenin, oficerin, inxhinierin dhe marinarët e jahtit me flamur maltez.

Ekuipazhi, me origjinë nga Italia, Filipinet, Republika Domenikane dhe Ekuador, është përgjegjës për trafikun ndërkombëtar të drogës. Autoritetet portugeze kanë arrestuar gjithashtu edhe gjashtë studentë australianë të doktoraturës, të cilët u kapën në një jaht, me 650 kg kokainë, pjesë e grupit të Drimadhe.

Drimadha vepronte me trafikun e drogës në disa vende si: Adelaide dhe Brisbane – Australi, Amsterdam – Holandë, Antëerp – Belgjikë, Monte Carlo – Monako. Gjithsej është sekuestruar 1000 kg kokainë e pastër (350 kg në Sao Paulo, 650 kg në jaht), 230 000 dollarë amerikanë, 60 000 dollarë australianë, 6 pushkë sulmi AK 47, një USB, shkop dhe 4 telefona celularë të koduar.

Postimi i fundit

I kërkoi sanksione FIFA-s, Izraeli kërcënon presidentin e Federatës së Palestinës: Do të arrestojmë

Nga e njëjta kategori

Arkiva