Edi Rama, ka vijuar edhe ditën e sotme me propagandën e integrimit në Bashkimin Europian.
Nga asambleja e Partisë Socialiste në Durrës, ku u ndal te zgjedhjet e ardhshme vendore, Rama e përdori integrimin në BE, sërish si kartë elektorale ashtu siç bëri edhe në zgjedhjet e kaluara.
Sipas Ramës, zgjedhjet e ardhshme në 2027, nuk janë lokale, por janë për të ardhmen në BE dhe PS, sipas tij, do të vulosë prezencën e Shqipërisë në BE.
“Është hapur një derë në BE, na kanë thënë ata: ne ju duam, ne duhet të bëjmë çmos të mos mbyllet dera pa hyrë ne brenda. Duhet ta konfirmojmë PS në zgjedhjet e ardhshme, që janë zgjedhje politike më shumë sesa vendore. Duhet që PS të jetë e vetëdijshme që fati e ka dashur të na bjerë një gur kaq i madh për ta vendosur në majë, duke vulosur prezencën e Shqipërisë në BE. Kështu e ka sjellë rrota e historisë, ne duhet ta bëjmë atë që na kërkohet. Duhet ta kapim trenin e historisë patjetër”,- është shprehur Rama.
Festa e çmendur për titullin botëror të Spanjës përfundon në tragjedi, humb jetën 13-vjeçari
