Një i fortë që lëvizte me armë në automjet në bulevardin “Bajram Curri”, u arrestua nga Shqiponjat.
Ismet Gaxherri u ndalua nga “Shqiponjat” dhe iu bë një kontroll i befasishëm automjetin e tipit “Benz” ku udhëtonte 39-vjeçari.
Gjatë kontrollit, brenda automjetit u gjet një armë zjarri tip pistoletë, së bashku me një krehër dhe municion.
Pasi u arrestua në flagrancë, 39-vjeçari u akuzua për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Njoftimi:
Tiranë/Finalizohet operacioni policor i koduar “Bulevardi”.
Lëvizte në bulevardin “Bajram Curri”, me pistoletë në automjet, arrestohet nga shërbimet e Forcës së Posaçme “Shqiponja”, 39-vjeçari.
Sekuestrohet arma e zjarrit me krehër dhe fishekë.
Në vijim të operacioneve policore, kundër armëmbajtjes pa leje, të zhvilluara si rezultat i punës së mirorganizuar operacionale dhe informative, shërbimet e Forcës së Posaçme “Shqiponja”, në bashkëpunim me shërbimet e Komisariatit të Policisë Nr. 1, finalizuan operacionin “Bulevardi”.
Në bazë të informacioneve të siguruara, në bulevardin “Bajram Curri”, u ndalua automjeti tip “Benz” me drejtues shtetasin I. G., 39 vjeç, banues në Tiranë.
Gjatë kontrollit, u gjet në automjet, 1 armë zjarri pistoletë me municion, të cilët 39-vjeçari e posedonte pa leje.
Në vijim të veprimeve procedurale për rastin, shtetasi I. G. u arrestua në flagrancë, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Materialet procedurale iu referuan Prokurorisë së Tiranës, për veprime të mëtejshme.
/Zoom.al
Labi premtoi 150 euro për Roelin nga çdo event, shpërthen Rezart Veleshnja: Shpati nuk lypi kurrë
