Të drejtën e votës nuk ia heq askush, megjithëse ndryshe nga çdo herë tjetër, kryebashkiaku i Tiranës Erion Veliaj do të votojë në paraburgimin e Durrësit në 11 maj.
Emri i Erion Veliajt ka dalë në listat e Komisionit Qëndror të Zgjedhjeve mes votuesve të institucionit të Ekzekutimit të Vendimit Penal.
Veliaj po hetohet për akuzat “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”.
Gjithashtu akuzohet për “futjen e sendeve të ndaluara në qelitë e paraburgimit”.
Kryebashkiaku i Tiranës është arrestuar më 10 shkurt 2025 nga Prokuroria e Posaçme kundër Korrupsionit dhe Krimit të Organizuar (SPAK) për akuzat e korrupsionit dhe pastrimit të parave.
Sipas SPAK-ut, Veliaj dhe bashkëshortja e tij, Ajola Xoxa dyshohet se kanë krijuar një mekanizëm për të përfituar paligjshmërisht fonde publike./ Zoom.al
