Presidenti i Shtetet e Bashkuara të Amerikës, Donald Trump, i është drejtuar drejtpërdrejt popullit iranian me një mesazh publik, pas nisjes së operacioneve të përbashkëta ushtarake mes SHBA-së dhe Izraelit kundër Iranit.
Në një videodeklaratë të publikuar pas fillimit të sulmeve, Trump u bëri thirrje qytetarëve iranianë që, pas përfundimit të operacioneve ushtarake, të marrin vetë kontrollin mbi qeverisjen e vendit të tyre. Ai e cilësoi këtë moment si një mundësi historike që, sipas tij, mund të mos përsëritet për breza të tërë.
Presidenti amerikan theksoi se administrata e tij ka vepruar aty ku drejtuesit e mëparshëm të SHBA-së kishin shmangur ndërhyrjen, duke nënvizuar se për vite me radhë iranianët kishin kërkuar mbështetje nga Uashingtoni, por ajo nuk ishte ofruar.
Trump deklaroi se ushtria amerikane po vepron me kapacitete të jashtëzakonshme ushtarake dhe se operacionet aktuale përbëjnë një pikë kthese për të ardhmen e Iranit. Ai e përshkroi situatën si vendimtare dhe u kërkoi qytetarëve iranianë të mos e humbasin këtë moment.
“Kjo është koha për të vepruar dhe për të mos e lënë të kalojë kjo mundësi”, ishte mesazhi i presidentit amerikan./ Zoom.al
