Një ditë pas aksionit ndaj qumështit dhe produkteve të bulmetit që shiten pa faturë, Administrata Tatimore ka sqaruar sot se individët e regjistruar si tregtarë ambulantë nuk kanë detyrimin të lëshojnë fatura tatimore dhe as të mbajnë dokumentacion tatimor për mallrat apo shërbimet që ofrojnë.

“Detyrimet e vetme të një tregtari ambulant janë:

• Të jetë mbi moshën 16 vjeç;
• Të jetë i vetëpunësuar dhe të mos punësojë persona të tjerë;
• Të tregtojë në hapësira publike me leje të lëshuar nga Bashkia përkatëse;
• Të jetë i regjistruar si ambulant pranë Drejtorisë Rajonale Tatimore;
• Të paguajë: Kontributet e sigurimeve shoqërore dhe shëndetësore; Tarifën për zënien e hapësirës publike; Taksat bashkiake të aplikueshme”, njoftuan Tatimet.

Administrata Tatimore thekson se kjo kategori nuk përfshihet në sistemin e fiskalizimit, si pjesë e një përpjekjeje për të ruajtur një balancë mes formalizimit të ekonomisë dhe mbështetjes për punësimin vetjak informal në nivele të ulëta të qarkullimit./ Zoom.al

Postime të lidhura

• 
  Faturë tatimore edhe për rigonin, përplasje dhe ironi për bimët medicinale! Drejtori: Prodhuesi? Tregtarja: E mblodha në mal
• 
  Rama u hap luftë edhe tregtarëve të qumështit: S'ka më bulmet pa faturë!