Sergio Ramos është në kërkim të një skuadre të re pas mbylljes së aventurës në Meksikë. Pavarësisht moshës 39-vjeçare, mbrojtësi spanjoll nuk ka planifikuar ende tërheqjen nga futbolli i luajtur.
Sipas raportimeve të mediave spanjolle, ish-kapiteni i Real Madridit është në kontakte me klubin e Marseille.
Ky interesim vjen pas dështimit të mundësisë për një rikthim të dytë te skuadra e Sevillas. Skuadra franceze drejtohet aktualisht nga trajneri italian Roberto De Zerbi, i cili po vlerëson afrimet e reja.
Një rikthim i Ramos në futbollin evropian mbetet një opsion i hapur për mbrojtësin veteran. Një transferim te Marseille, do të ishte rikthim në Francë për mbrojtësin, aty ku në të kaluarën ka qenë pjesë e PSG-së.
