Në pritje të qeverisë së katërt, kryeministri Edi Rama ka pritur në zyrë këshillin e ministrave.
Mësohet se Rama ka diskutuar me të vetët më shumë sesa për emra të përveçëm, për strukturën e re të Komisomeve Parlamentare, pasi socialistët do të propozojnë që të ketë ndryshime.
Socialistët synojnë që me legjislaturën e re të kemi 11 komisione të përhershme parlamentare. Edhe komisioni Antikorrupsion i zotit Xhafaj do të propozohet nga mazhoranca që të jetë i përhershëm, por të njëjtin fat nuk do ta ketë Komisioni i Dezinformimit, që është drejtuar nga Erion Braçe.
Nga burime brenda PS mësohet se ideja për ndarjen e re të Komisioneve dhe për të shtuar numrin e tyre ka të bëjë me negociatat e grupkapitujve, sepse duhet t’i shkojë për shtat negociatave me BE-në. Për të bërë realitet këtë propozim të socialistëve duhet të ndryshohet edhe rregullorja e Kuvendit.
Në mesditë në Kryeministri ka hyrë edhe ish-Presidenti i Kosovës, biznesmeni i njohur Behgjet Pacolli, kompania e të cilit është duke ndërtuar aeroportin e Vlorës./Zoom.al
