Renditja e vitit 2023 u prodhua nga një sondazh i kampionit të konsumatorëve të kryer me mbi 8,000 udhëtarë në Mbretërinë e Bashkuar, të cilët u ftuan të vlerësonin kompanitë që kishin përdorur në një sërë kriteresh, duke përfshirë shërbimin ndaj klientit, vlerën për para dhe përvojën e hipjes.

Wizz Air me qendër në Budapest mori një vlerësim klienti prej 48 për qind, një total që përshkruhet si “I tmerrshëm”.

Which? zbulon: “Udhëtarët i dhanë asaj vetëm një yll nga pesë për përvojën e hipjes, si dhe për mjedisin e kabinës dhe komoditetin e sediljeve. Kjo nuk është befasuese duke qenë se linja ajrore ka disa nga hapësirat më pak bujare për këmbët nga linjat ajrore [ne kemi] anketuar”.

Hapësira e sediljeve të linjës ajrore, distanca midis dy rreshtave në ekonominë standarde, është plot dy inç(rreth 5 cm) më e vogël se edhe rivali i saj buxhetor Ryanair.

Wizz Air nuk arriti më shumë se dy yje në te gjitha kategoritë e mbetura, duke përfshirë vlerën për para dhe shërbimin ndaj klientit.

Which? thotë: “Një klient i pakënaqur raportoi se fluturimi i tyre ishte “një përvojë e pakëndshme” dhe kishte ankesa të përsëritura për vonesa.Të dhënat e Autoritetit të Aviacionit Civil (CAA) zbuluan se linja ajrore ishte ndër shkelësit më të keq për përpikmërinë vitin e kaluar, me vetëm 56 për qind të fluturimeve që mbërrinin në kohë.

Nga linjat ajrore me distanca të shkurtra të përfshira në anketë, vetëm Tui rezultoi më keq për përpikmërinë, me më pak se gjysmën (45 për qind) të fluturimeve të saj në kohë.

Which? vë në dukje se Wizz Air është zgjeruar me shpejtësi, por se “rritja e saj nuk ka ardhur pa ndërprerje dhe pasiguri për pasagjerët, me linjat e ndalura shpesh ose të mbyllura fare”.

“Vetëm prillin e kaluar ajo nisi një sërë linjash të reja nga aeroporti i Cardiff-it, përpara se të njoftonte se shumica e tyre do të tërhiqeshin nga tregu gjatë periudhës së dimrit – pavarësisht se shumë klientë kishin rezervuar tashmë”, thotë Which? Në një artikull të publikuar nga Mail Online.

AAC-ja gjithashtu ka ngritur më parë shqetësime rreth numrit të lartë të ankesave në lidhje me linjën ajrore nëpërmjet Skemës së Zgjidhjes Alternative të Mosmarrëveshjeve dhe gjykatave.

Gjetje këto që janë konstatuar shpesh edhe në fluturimet që kjo kompani kryen në vendin tonë.

Shpesh Zoom.al ka publikuar denoncimet e qytetarëve të cilët jo pak herë kanë mbetur me orë të tëra nëpër aeroporte të braktisur nga kompania Wizz Air./ Shqipëruar nga Zoom.al