Arne Slot ka deklaruar që Mohamed Salah do të kthehet në formacionin titullar të Liverpoolit kundër Marseille në ndeshjen e së mërkurës në Ligën e Kampionëve, duke shtuar se marrëdhënia e tij me sulmuesin është “aq normale sa ka qenë gjithmonë”.
Salah luajti për herë të fundit si titullar për Liverpoolin në humbjen 4-1 në shtëpi ndaj PSV Eindhoven në nëntor, por shënoi katër gola në Kupën e Kombeve të Afrikës, ku ekipi i tij i Egjiptit përfundoi i katërti.
33-vjeçari dha një intervistë eksplicite pak para se të nisej për në Afrikën e Jugut, në të cilën ai pretendoi se “dikush nuk më do në klub” dhe se nuk kishte më asnjë marrëdhënie me Slot pasi u la jashtë.
I pyetur nëse kishte një mundësi të reflektonte mbi situatën me Salah pas ngjarjeve në dhjetor, Slot tha: “Ka pasur një moment në sezon kur vendosa të mos e aktivizoja Mo.
Dhe një moment kur vendosa të mos e merrja në ndeshje [kundër Interit]. Për të gjitha ndeshjet e tjera, ai ka qenë në skuadër dhe ishte zëvendësimi i parë kundër Brighton, kështu që, në atë moment, nuk ka pasur kurrë problem për mua.”
Skuadra e Slot ka qenë e pamposhtur gjatë kohës së Salah në Marok, por holandezi pranoi se ishte “i lumtur” që kishte përsëri në dispozicion golashënuesin rekord të Ligës së Kampionëve të Liverpoolit.
“Jam vërtet i lumtur dhe i kënaqur që ai është kthyer”, shtoi Slot. “Në mungesë të tij mendoj se kemi bërë mjaft mirë në aspektin e pësimit të pak shanseve dhe kemi filluar të krijojmë gjithnjë e më shumë.“
