Nuk kanë të ndalur problematiket në lidhje me sigurinë ushqimore.
Gjatë muajit shkurt, mars 2025 qytetarët shqiptarë kanë konsumuar qumësht me aflatoksinë.
Piranjat shkruanjë se, lidhur me praninë e aflatoksinës në qumështin e konsumuar nga qytetarët shqiptarë, Piranjat iu drejtuan me nje kërkesë zyrtare më datë 29 Mars, AKU-së e cila ka pranuar se aflatoksina ka qenë e pranishme në plot 8 mostra të marra në periudhën Janar-Prill 2025.
Çfarë është aflatoksina:
Aflatoksina është një toksinë e krijuar nga myku që rritet tek drithërat, misri dhe gruri.
Kur lopët ushqehen me foragjere të kontaminuara aflatoksinë sekretohet më pas te qumështi që prodhojnë.
Konsumimi i qumështit me aflatoksinë ka pasoja të rënda në shëndetin e njeriut. Mund të çojë në dështim akut të mëlçisë dhe vdekje, sidomos pas marrjes së dozave të larta (p.sh. epidemitë e raportuara te fëmijët në Afrikë). Dobëson përgjigjen imunitare, rrit rrezikun e infeksioneve. Rritje e ngadalësuar te fëmijët: Ekspozimi i hershëm lidhet me ngadalësim të rritjes dhe zhvillimit (stunting).
Sipas OBSH-së aflatoksinë është kancerogjene e grupit 1, rrit rrezikun për probleme në mëlçi njëkohësisht dhe të veshkave.
