Pas skandalit që ka përfshirë Agjencinë Kombëtare të Shoqërisë së Informacionit (AKSHI), ku drejtoresha e institucionit, Mirlinda Karçanaj ndodhet në masën e arrestit në shtëpi pas hetimeve të nisura nga SPAK, janë marrë vendime për vijimin e funksionimit të institucionit.

Sipas burimeve, Karçanaj ka deleguar kompetencat drejtuese, ndërsa drejtimi i AKSHI-t do të ushtrohet nga Romina Kostani.

Vendimi është marrë në mbështetje të legjislacionit në fuqi, përfshirë Kodin e Procedurave Administrative, ligjin për organizimin dhe funksionimin e administratës shtetërore, ligjin për qeverisjen elektronike, si dhe aktet nënligjore dhe rregulloret për prokurimin publik dhe funksionimin e AKSHI-t.

Sipas urdhrit, për zbatimin e tij janë ngarkuar Drejtori i Koordinimit të Agjendës Digjitale dhe Projekteve e-Gov me fonde të huaja, Drejtori i Monitorimit dhe Mbrojtjes Kibernetike për sistemet dhe infrastrukturat e-Gov, si dhe Drejtori i Infrastrukturës e-Gov.

Një levizje e tillë ndodh në një kohë kur drejtoresha në detyrë akuzohet për shkelje të barazisë në tendera./ Zoom.al

Postime të lidhura

• 
  Kujtesa që i djeg Ramës: Si e akuzonte Berishën për drejtorin e Tatimeve, sot mban në detyrë drejtoreshën e arrestuar të AKSHI
• 
  Kupola e Policisë, në rresht në zyrën e Ergys Agasit
• 
  “Do të vrasim ty, grua, motër e nënë”- 6 orët e rrëmbimit, Gerond Meçe rrëfen pse nuk bëri denoncim
• 
  “Labi”, Agasi dhe Bllako/ Bisedat që zbulojnë skemën e presionit tek AKSHI
• 
  ”Tërhiqu, ose plumbin kokës”- Manipulime, zhvatje dhe pengmarrje, grupi kriminal pas “Shqipërisë digjitale”