Pas ndërperjes së procesit të votimit gjatë ditës për shkak të perplasjeve të kandidatëve qe sollen edhe thyerjen e kutise se votimit dhe djegien e fleteve te votimit, zgjedhjet për kryetar të PD-së në degën e Malësisë së Madhe janë anuluar. Në një njoftim për mediat, Komisioni i Organizimit të Zgjedhjeve thote se ka vendosur anulimin e votimit në degën PD Malësinë e Madhe. Komisioni ben te ditur se ka nisur procesi i mbledhjes dhe verifikimit të të gjitha fakteve dhe ndodhive që çuan në prishjen e procesit të votimit.

NJOFTIM

PËR SITUATËN E KRIJUAR NË PROCESIN ZGJEDHOR TË DEGËS MALËSI E MADHE

Komisioni i Organizimit dhe Monitorimit të Operacioneve Elektorale, është vënë në dijeni të ngjarjeve të rënda që kanë ndodhur sot, gjatë procesit të votimit për kryetar të degës, në degën Malësi e Madhe të Partisë Demokratike.

Ndërkohë që Komisioni ka vendosur anulimin e zgjedhjeve në degën PD Malësinë e Madhe, ai është në procesin e mbledhjes dhe verifikimit të të gjitha fakteve dhe ndodhive që çuan në prishjen e procesit të votimit për të cilat do të shprehet me një vendim zyrtar.

Komisioni vlerëson se integriteti, transparenca si dhe vota e lirë e anëtarëve është primare në këtë proces të rëndësishëm të rithemelimit të Partisë Demokratike.