“Mbretëresha e Ketaminës” është dënuar me 15 vjet burg për shitjen e drogës që çoi në vdekjen e aktorit të serialit “Friends”, Matthew Perry.
Jasveen Sangha, 42 vjeç, u deklarua fajtore shtatorin e kaluar për pesë akuza, përfshirë një akuzë për shpërndarje të ketaminës që rezultoi në vdekje ose lëndime trupore.
Prokurorët e përshkruan shtëpinë e saj në Hollywoodin Verior si një “emporium shitjeje droge” , duke shitur një gamë të gjerë droge për klientë të pasur dhe me lidhje të mira.
Perry, i cili kishte luftuar me varësinë për vite me radhë, u gjet i vdekur në vaskën me ujë të nxehtë të shtëpisë së tij në Los Angeles në tetor 2023. Hetuesit përcaktuan se vdekja e tij u shkaktua nga efektet akute të ketaminës.
