Kryeministri i Izraelit, Benjamin Netanyahu, ka deklaruar se vendi i tij qëndron plotësisht në krah të vendimit të Donald Trump për të vendosur bllokadë ndaj porteve iraniane, duke e cilësuar atë si një hap të drejtë dhe të nevojshëm.
Sipas autoriteteve amerikane, masa pritet të zbatohet menjëherë dhe do të prekë anijet që hyjnë dhe dalin nga portet e Iranit. Vendimi vjen pas dështimit të bisedimeve intensive mes palëve për arritjen e një marrëveshjeje.
Gjatë një mbledhjeje të kabinetit, Netanyahu u shpreh se arsyeja kryesore e këtij vendimi lidhet me qëndrimin e Iranit në tryezën e negociatave. Ai theksoi se, sipas informacioneve të marra, Teherani nuk ka respektuar kushtet e vendosura gjatë diskutimeve.
Kreu i qeverisë izraelite zbuloi gjithashtu se ishte informuar drejtpërdrejt nga JD Vance për rrjedhën e negociatave që u zhvilluan në Pakistan./ Zoom.al
