Kombëtarja shqiptare do të zbresë sonte në fushë përballë Polonia, në ndeshjen vendimtare të fazës “play-off” për Botërorin 2026, që zhvillohet në Varshavë në orën 20:45.
Trajneri i Shqipërisë, Sylvinho, ka vendosur tashmë formacionin zyrtar, duke sjellë disa surpriza të rëndësishme në repartin e sulmit.
Sipas vendimeve të stafit teknik, sulmuesit Ernest Muçi, Armando Broja dhe Anis Mehmeti nuk do të jenë pjesë e 11-shes titullare dhe pritet ta nisin ndeshjen nga stoli.
Në vend të tyre, repartin ofensiv e përbëjnë Hoxha, Bajrami dhe Uzuni, të cilët do të kenë detyrën të udhëheqin sulmin kuqezi në një ndeshje me shumë peshë për kualifikimin.
Pjesa tjetër e formacionit nuk ka ndryshime të mëdha, me ekipin që synon të ruajë balancën mes mbrojtjes dhe sulmit përballë një kundërshtari të fortë dhe me eksperiencë./ Zoom.al
