- Aktualitet
- In Zoom
- Politikë
- Ekonomi
- Ide & Blog
- Kosova
- Rajoni
- Bota
- Sport
- Art & Kulturë
- Stil
- Kinema & Netflix
- Tech
Rrjetet Sociale
Aplikacion
Ekipi i Ahmataj prodhoi futboll, kërkoi nga minuta e parë deri tek e fundit, zhvilloi një futboll sulmues, por nuk ishin të saktë në pasin final. Erzeni nuk vodhi asgjë, bëri lojën e tij, ku goditja me kokë e Mihanajt rezultoi një trepikësh.
Tirana e nis sfidën “zjarr”, ku pas vetëm 3 minutash lojë, Florent Hasani goditi shtyllën pingule. Tirana kishte kontrollin e lojës, por në rastin e parë, në minutën e 35-të, gjatë zhvillimeve të një goditje këndi, Mihana me kokë, kërceu mbi të gjithë duke dërguar topin në rrjetë.
Me fillimin e pjesës së dytë, Tirana gjeti golin e barazimit me Abazaj, pro gjyqtari i takimit anuloi gjithçka për faull në sulm. Kryeqytetasit pretenduan për një 11-metërsh, në minutën e 63-të, për prekje të topit me dorë, por nuk ishte i këtij mendimi gjyqtari i takimit.
Tirana gjeti sërish golin e barazimit, këtë herë me Najdovskin, por gjyqtari i takimit, me ndihmën e sistemit VAR anuloi gjithçka për pozicion jashtë loje. Në mënyrë të pabesueshme, portieri Hasanbelli mban portën të pa prekur duke i mohuar një gol të sigurt Përgjonit në minutën e 78-të. Tirana provoi sërish me Latifin, por as sulmuesi, nga goditja e dënimit, nuk arriti të mposht portierin e Erzenit.
Bardheblutë spostuan Erzenin në zonën e rreptësisë deri në sekondat e fundit, por as Patrik nuk mundi dot të shmang këtë humbje të Tiranës, në fund festa ishte e gjitha për shijakasit që marrin pak frymë pas këtij trepikëshi.
