“Dance With Me” do të rikthehet në ekranin shqiptar, në datën 19 shtator.

Produksioni tashmë ka treguar se cilët do të jenë 10 personazhet që do të jenë pjesë e këtij programi kërcimi.

Ndërsa pak më parë ka zbuluar njërin prej anëtarëve të jurisë në këtë edicion të 8-të.

Bëhet fjalë për aktorin dhe producentin shumë të dashur për publikun, Ermal Mamaqi, i cili do të rikthehet në ekran pas disa vitesh nga largimi.

“Merr fund pritja!
Aktor, producent, me nuhatje edhe në botën e biznesit Ermal Mamaqi vjen si pjesë e jurisë së show-t më të madh të kërcimit në Shqipëri “Dance With Me”, njofton produksioni në rrjetet sociale.

Ndërkohë, më parë është zbuluar se pjesë e jurisë do të jetë edhe balerina Klaudia Pepa.