Kryetari i Partisë Demokratike, Sali Berisha, ka reaguar me tone të ashpra pas zgjedhjes së Endri Shabanit si Avokat i ri i Popullit.
Në deklaratën e tij për mediat, Berisha tha se me këtë vendim është goditur rëndë një proces që, sipas tij, funksiononte prej vitesh mbi bazën e konsensusit politik.
Ai theksoi se përzgjedhja e Avokatit të Popullit ka qenë tradicionalisht një nga procedurat ku palët politike arrinin marrëveshje, duke përmendur se mandati i ish-Avokates Erinda Ballanca ishte aprovuar me dakordësi. Sipas Berishës, votimi i ditës së djeshme “zhduku” këtë traditë.
“Një proces i instaluar prej shumë vitesh, u përmbys dje, duke rrëmbyer dhe institucionin e fundit që kishte ngelur gjysmë, pasi zonja Ballanca ka pasur konsensus. Refuzoi në mënyrë kategorie zotin Besim Ndregjoni, Adriana Kalanë. I futi një thikë të madhe një procesi të tillë. Edi Rama është i gatshëm që të shkelmojë çdo gjë”, tha Berisha.
Demokratët që kishin mbështetur me firma 6 kandidatë, mes tyre edhe Endri Shabanin, u tërhoqën nga nënshkrimet. Që në nisje të seancës parlamentare dje, ata kërkuan heqjen nga rendi i ditës të zgjedhjes së Avokatit të të Popullit, por kërkesa u rrëzua./ Zoom.al
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
