Prokuroria e Posaçme (SPAK) ka sekuestruar telefonin e analistit dhe gazetarit sportiv Fatmir Mëneri, në kuadër të një hetimi penal që po zhvillohet nga BKH dhe SPAK.
Gjykata e Posaçme ka refuzuar kërkesën e Mënerit për kthimin e pajisjes, duke vlerësuar se hetimet janë ende në vijim.
Sipa burimeve, në seancën e sotme është rrëzuar kërkesa e Mënerit për kthimin e sendit të sekuestruar, konkretisht telefonit celular.
Sekuestrimi i telefonit është kryer në kuadër të procedimit penal numër 136, i cili lidhet me hetimet ndaj ish-zëvendëskryeministres Belinda Balluku. Ende nuk është bërë publike se çfarë lidhjeje ka gazetari me këtë procedim penal.
Ndërkohë, SPAK ka dërguar për herë të dytë fletëthirrje edhe ndaj ish-futbollistit Igli Tare dhe është në pritje të paraqitjes së tij nga Italia për marrjen në pyetje.
Hetimet vijojnë, ndërsa autoritetet nuk kanë dhënë ende detaje të tjera mbi zhvillimin e çështjes.
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
