Artistja shqiptare me famë botërore, Dua Lipa po vazhdon të shënoj suksese të njëpasnjëshme në arenën e muzikës ndërkombëtare. Në mesin e shumë hiteve që kanë shënuar karrierën e saj, kënga “Levitating”, që është pjesë e albumit të saj të fundit “Future Nostalgia” po thyen rekorde.
26-vjeçarja së fundi ka arritur suksesin e radhës me “Levitating”, e cila është bërë kënga e një artiste femër që ka qëndruar më së shumti në historinë e top-listës së “Billboard Hot 100”.
Projekti muzikor i Duas ka qëndruar gjithsej 70-të javë, duke lënë pas hitin e vitit 1997-1998 të këngëtares amerikane LeAnn Rimes “How Do I Live” që qëndroi për 69 javë në top-listë.
“Levitating” është gjithashtu kënga e pestë që ka qëndruar më së shumti në top-listë në gjithë historinë e kualifikimeve. Këtij lajmi i është gëzuar interpretuesja duke e shpërndarë njoftimin edhe në llogarinë e saj në Instagram, aty ku numëron mbi 80 milionë ndjekës./L.K
/Zoom.al
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
