Berisha tha se të gjithë ata që kanë mbetur jashtë këtij Këshilli dhe kanë dyshime, mund të kërkojnë rinumërim të votave.

Berisha: Kjo mendoj unë përmbush një zotim të një rëndësie themelore jo vetm për PD por për shoqërinë shqiptare. Në këtë proces shumë mujor është votuar apo kanë garuar qindra e qindra kandidatura, në mënyrë absolute asnjë prej tyre i sugjeruar, i përzgjedhur Apo të themi i emëruar nga instancat e epërme. Që të gjitha pa parjashtim kanë qënë propozime të anetarësisë, kane garuar sic përcakton statute. Jo vetëm u rikthye vota e lirë në këtë forcë politike po u arkivua në harresë ajo që quhet kryetarokraci. Janë zgjedhur kandidatët më të mirë, janë votuar përfaqëues të shkëlqyer të demokratëve.

Si kurrë më parë në historinë e forcave politike, në 8 degë të PD kanë fituar 8 zonja të nderuara, duke garuar me rivalët e tyre.

Në rast se kthehemi bashkë në fillimet e kërij revolucioni, ju do të gjeni zotimin tonë se cdo njëri do të ketë të drejtë të verifikojë votën e tij. Tre ditë më parë midis 460 anëtarëve, u votuan 150 prej tyre dhe u zgjodhën anëtarë të Këshillit Kombëtar. Risia ishte e madhe. Gratë dhe të rinjtë janë 50 % e këtij këshilli. U zgjodhën më të mirët, ndër më të mirët por mbetën edhe shumë të tjerë pa hyrë. Ata që të gjithë për kontributin e tyre në PD, vlerat që mbajnë mbeten pa dyshim bashkëpunëtor të cmuar, aktivistë të cmuar. Eshtë e pashmangshme që të mos ketë hatërmbetje dhe zemër thyer. Ajo që unë i them cdo njerit prej tyre, qofte edhe dyshimin më të vogël të kenë, lë të nderojnë veten dhe PD duke kërkuar rinumërim votë për votë të kandidaturës së tij.