Ai ka treguar në polici se kishte shkuar në Greqi gjashtë muaj më parë për punë ku ka takuar partneren e tij me të cilën kanë pasur lidhje.

Partnerja e tij 24-vjeçare dhe nëna e të porsalindurit, punonte muajin e fundit në një hotel në Vravrona si pastruese dhe qëndronte në dhomën e hotelit me tre gra të tjera.

Dy ditë më parë ai gjithashtu filloi punën dhe qëndronte në një dhomë tjetër me tre burra të tjerë. Siç ka dëshmuar në polici i riu e ka ditur për shtatzëninë e partneres së tij dhe në fakt pas lindjes së foshnjës do të martoheshin.

Askush tjetër nuk e dinte për shtatzëninë siç tha ai ndërsa shtoi se nuk kishin shkuar te mjeku pasi partnerja e tij nuk kishte probleme.

Pasditen e së enjtes së dhe teksa punonte në kuzhinë si ndihmës kuzhinier, është njoftuar nga bashkatdhetarët se partnerja e tij mbyllur në dhomë prej disa orësh dhe se diçka po ndodhte.

Më pas është ngjitur në dhomë dhe pasi kanë trokitur ka hapur derën me forcë bashkë me bashkatdhetarët e tjerë që punonin në hotel dhe kanë hyrë brenda. Aty e gjeti partneren e tij “në këmbë me gjakderdhje të rëndë vaginale, ndërkohë që kishte gjak në banjë”.

Çifti u ka kërkuar bashkatdhetarëve që t’i linin vetëm në dhomë, ndërsa thirrën një taksi për ta çuar gruan në spital.

Siç dëshmoi ai që prej datës 8 maj, partnerja e tij ankohej për dhimbje barku dhe kur u dërgua në spital pasditen e 9 majit, kishte gjakderdhje.

Dy femrat që jetonin në të njëjtën dhomë me 24-vjeçaren dhe punonin si shërbyese në të njëjtin hotel i thanë policisë se pasi mbaruan punën shkuan në dhomë dhe e gjetën të renë në tualet, por ajo u tha se kishte diarre. Vajza qëndroi pa dalë për tre orë dhe nisën të shqetësoheshin. Më pas kanë njoftuar partnerin e saj. Menaxherja e hotelit ka treguar në polici se 23-vjeçari e ka njoftuar të thërrasë një taksi pasi partnerja e tij po humbiste ndjenjat dhe u detyruan të shkonin në spital për shkak të gjakderdhjes, por shtoi se ajo nuk dinte për shtatzëninë.