Isuf Jaçaj, 58 vjeç humbi jetën mbrëmjen e të shtunës në Sarandë, pas tritolit që iu vendos makinës së tij.
Viktima kishte precedentë të mëparshëm penalë. Nga informacionet bëhet me dije se ai ishte babai i Klaus Jaçajt, i cili ndodhet aktualisht në burg, i akuzuar për “përkrahje të autorit të krimit” në një ngjarje të ndodhur më 17 korrik 2025.
Gjatë atij incidenti u plagosën me armë zjarri Gëzim Hajdaraj dhe Ernest Lama, në lagjen nr. 4 të qytetit bregdetar.
Katër ditë më vonë një person i maskuar vendosi një sasi eksplozivi në makinën e Klaus Jaçajt, duke e shkatërruar atë plotësisht. Ngjarja në atë kohë mbeti pa autor.
Atentati ndaj Isuf Jaçajt ndodhi pak para mesnatës. Automjeti tip fuoristradë ku ndodhej i ndjeri u përfshi nga një shpërthim i fuqishëm, që i mori jetën menjëherë dhe e dogji mjetin tërësisht./ Zoom.al
