Presidenti i SHBA-së, Donald Trump, ka njoftuar se armëpushimi Izrael-Liban është zgjatur me tre javë.
Në një postim në Truth Social, ai thotë se kjo vjen pas një takimi midis zyrtarëve izraelitë dhe libanezë në Zyrën Ovale.
Në njoftimin e tij, Trump thotë se takimi, në të cilin ishin të pranishëm edhe Zëvendëspresidenti JD Vance dhe Sekretari i Shtetit Marco Rubio, shkoi “shumë mirë”.
“Shtetet e Bashkuara do të punojnë me Libanin për ta ndihmuar atë të mbrohet nga Hezbollahu”, shkruan ai.
Trump deklaroi se Presidenti libanez Joseph Aoun dhe Kryeministri izraelit Benjamin Netanyahu do të takohen në Shtëpinë e Bardhë në javët e ardhshme, ndërsa SHBA-të kërkojnë të ndërmjetësojnë një marrëveshje paqeje më afatgjatë.
“Ata kanë Hezbollahun për të cilin të mendojnë,” tha ai. “Ne do të punojmë me Libanin për të rregulluar gjërat në atë vend. Mendoj se do të jetë një gjë e mrekullueshme që kjo të zgjidhet njëkohësisht me atë që po bëjmë në Iran.”
Presidenti Trump shtoi se nuk është nën presion për t’i dhënë fund konfliktit dhe se dëshiron të bëjë marrëveshjen më të mirë me Iranin.
Ai deklaroi se SHBA-të kanë “kontroll të plotë” të Ngushticës së Hormuzit dhe kur Irani të bëjë një marrëveshje, korridori jetësor i transportit detar do të hapet, duke shtuar se nuk dëshiron që Irani të fitojë qindra miliona dollarë nga shitjet e naftës gjatë armëpushimit.
“Nuk dua që ata të fitojnë 500 milion dollarë në ditë derisa ta zgjidhin këtë çështje”, tha ai. “Unë jam ai që e mbajti të mbyllur… Nëse ata nuk duan të bëjnë një marrëveshje, atëherë do ta përfundoj [luftën] ushtarakisht.”
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
