Policia në Tiranë ka zbuluar dy raste të ushtrimit të prostitucionit në ambiente të marra me qira, duke vënë në pranga dy shtetase të huaja.

Sipas autoriteteve, një 33-vjeçare nga Vietnami dhe një 43-vjeçare nga Kina kishin përshtatur apartamente në zona të ndryshme të qytetit për këtë aktivitet të paligjshëm. Njëra prej tyre operonte në rrugën “Mine Peza”, ndërsa tjetra në zonën e Rrugës së Durrësit.

Operacionet policore, të koduara “Network” dhe “Foleja 7”, u zhvilluan nga strukturat kundër trafiqeve të paligjshme në bashkëpunim me Komisariatin nr. 3. Gjatë ndërhyrjes u sekuestruan shuma parash dhe disa telefona celularë, që dyshohet se përdoreshin për organizimin e aktivitetit.

Në vijim të hetimeve, një person tjetër është proceduar në gjendje të lirë, pasi dyshohet se përfitonte nga kjo veprimtari e kundërligjshme./ Zoom.al

Postime të lidhura

• 
  I dënuar nga Italia për drogë dhe prostitucion, arrestohet Elton Miha në Tiranë