“Të gjitha kontaktet e një personi që rezultoi pozitiv për koronavirusin që ndodhen në Francë janë testuar dhe kanë rezultuar negativë”.
Kështu njoftoi sot ministrja Franceze e Shëndetësisë, Stephanie Rist në X.
“Për arsye paraprake përballë një sëmundjeje, shkalla e vdekshmërisë e së cilës vlerësohet në 30 deri në 40% dhe me një periudhë të gjatë inkubacioni, aktualisht e vlerësuar në 42 ditë, këta 22 persona do të qëndrojnë në karantinë në spital” dhe “do të vazhdojnë të jenë nën mbikëqyrje mjekësore dhe të testohen 3 herë në javë”, shtoi Rist.
Ajo sqaroi se që tani e tutje, autoritetet shëndetësore nuk do t’i shpallin rezultatet e testit nëse nuk ka një rezultat pozitiv.
Tetë francezë u nisën me avion më 25 prill nga ishulli i Shën Helenës për në Johanesburg me fluturimin që përfshinte edhe pasagjeren holandeze të anijes turistike M Hondius, e cila vdiq nga koronavirusi.
Përveç kësaj, 14 francezë të tjerë ishin kontakte të së njëjtës grua në fluturimin Johanesburg-Amsterdam në të cilin ajo hipi për pak kohë.
Pesë pasagjerë francezë nga anija turistike mbeten në spitalin Bichat në Paris. Katër prej tyre janë mirë dhe kanë rezultuar negativë në testet e tyre, por një grua ka rezultuar pozitive për koronavirusin dhe është në kujdes intensiv në gjendje të rëndë.
