Aktorja e njohur turke, Ece Irtem, humbi jetën në moshën 35-vjeçare.
Sipas mediave turke, artistja u gjet pa shenja jete në banesën e saj, vetëm pak orë pasi kishte festuar ditëlindjen.
Sipas informacioneve paraprake, shkaku i vdekjes mund të ketë qenë një problem i papritur kardiak.
E lindur në qytetin e Sivasit, Ece Irtem ndërtoi një karrierë të bazuar fillimisht në muzikë dhe artin skenik. Ajo përfundoi studimet universitare në fushën e operës dhe performancës vokale, duke spikatur për rezultatet e saj akademike dhe angazhimin në artet performuese.
Gjatë formimit profesional, Irtem bashkëpunoi me pedagogë dhe artistë të njohur të muzikës klasike, duke zgjeruar përvojën e saj artistike përpara se të orientonte karrierën drejt aktrimit.
Pas zhvendosjes në Stamboll, ajo ndoqi kurse profesionale aktrimi dhe nisi të ndërtojë profilin e saj në industrinë e televizionit dhe teatrit turk.
Popullaritetin më të madh e fitoi me interpretimin e personazhit Isil në serialin “One Love”, një produksion që u ndoq nga miliona shikues brenda dhe jashtë Turqisë./ Zoom.al
“Po dëmtojnë turizmin”/ Protestuesi-Ramës: E di ti që shqiptarët s’bëjnë dot pushime?!
