Shoferi i Anthony Joshuas është akuzuar pas aksidentit në Nigeri ku mbetën të plagosur boksieri dhe humbën jetën dy anëtarë të ekipit të tij.
Adeniyi Mobolaji Kayode, 46 vjeç, u akuzua në Gjykatën e Magjistraturës Sagamu të premten.
Burime policore thanë për BBC se akuzat përfshinin shkaktimin e vdekjes nga drejtimi i rrezikshëm i automjetit.
Trajneri personal i Joshuas, Latif Ayodele, dhe trajneri, Sina Ghami, vdiqën të hënën pasi automjeti me të cilin po udhëtonin u përplas me një kamion të ndaluar në një autostradë në shtetin Ogun, pranë Lagosit.
Ish-kampioni i peshave të rënda u dërgua në spital me lëndime pas aksidentit dhe doli të mërkurën.
Identifikohen viktimat e aksidentit në Sauk, të dy shtetas të huaj
