Një 19-vjeçar shqiptar ka humbur jetën në një aksident të rëndë rrugor të ndodhur mbrëmjen e së premtes.
Sipas raportimeve të mediave italiane, aksidenti ndodhi rreth orës 23:00 në zonën e Monopolit, ku i riu shqiptar po udhëtonte si pasagjer në sediljen e pasme të një automjeti tip “Mercedes”.
Makina u përplas me një tjetër automjet tip “Toyota”, që drejtohej nga një grua.
Përplasja ka qenë tepër e fortë, duke bërë që të dy mjetet të dalin jashtë kontrollit dhe të godasin edhe disa automjete të parkuara pranë rrugës.
Menjëherë në vendngjarje mbërritën ambulancat, zjarrfikësit dhe forcat e policisë italiane, të cilat nisën operacionin e shpëtimit dhe hetimet për zbardhjen e rrethanave të aksidentit.
Pavarësisht përpjekjeve të mjekëve, 19-vjeçari shqiptar nuk arriti t’u mbijetojë plagëve të marra dhe ndërroi jetë sapo mbërriti në spital.
Nga aksidenti kanë mbetur të plagosur lehtë edhe drejtuesja e automjetit “Toyota” dhe një tjetër pasagjer që ndodhej në “Mercedes”.
Autoritetet italiane po vijojnë hetimet për të përcaktuar shkaqet e sakta që çuan në këtë aksident fatal./ Zoom.al
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
