Një 38 -vjeçar u arrestua nga policia pasi i kishte premtuar një shtetasi 50 mijë lekë të reja (500 euro), për një votë, për një subjekt të caktuar politik në zgjedhjet e 11 majit.
Zoom.al mëson se i arrestuari është Marim Leka, nga Lushnja. Ai i kishte marrë një shtetasi kartën e identitetit dhe i kishte thënë se do t’i jepte paratë kur të votonte për subjektin e kërkuar.
Policia e arrestoi për “Korrupsion Aktiv në Zgjedhje” dhe Marrje e Përdorim i Paligjshëm i Dokumentit të Identifikimit”.
Arrestimi u krye në bashkëpunim me prokurorinë e Fierit, por çështja tani i ka kaluar SPAK-ut. Prokuroria e Posaçme ka ngritur tashmë zyra në 12 qarqet e vendit për të hetuar krimin zgjedhor.
Arrestimi i 38 -vjeçarit vjen 1 ditë pas hapjes së këtyre zyrave dhe ai është i pari që do të hetojë SPAK për korrupsion zgjedhor. /Zoom.al
