Mbretëresha Elizabeth, monarkja më jetëgjatë në histori u nda nga jeta në moshën 96-vjeçare më 8 shtator 2022, pasi kishte mbushur 70 vjet në fron.

Lajmin për vdekjen e saj e bëri të ditur Pallati në orën 18:30, ndërsa paraprakisht u tha se shëndeti i saj ishte përkeqësuar. Sipas tij, “Mbretëresha vdiq paqësisht pasdite në Kalanë Balmoral”.

Ne dëshirojmë të kujtojmë me ju 5 zakone të veçanta të ngrënies që kishte mbreteresha Elizabeth:

Dashuria e saj për hamburgerët

Ishte një sekret i hapur që monarkja kishte dashuri për burgerët. Natyrisht, nuk po flasim për burgerët e zakonshëm në ushqimin e shpejtë, por për burgerët mbretërorë. Ndërsa i pëlqente burgerët, ajo urrente çdo gjë tjetër që hahej me dorë. Kjo është arsyeja pse burgerët mbretërorë shërbeheshin gjithmonë pa simite, në mënyrë që ajo t’i shijonte me takëmet e saj si një gjak i vërtetë blu!

Asaj i pëlqyen salcat

Meqenëse i pëlqente hamburgerët, është e natyrshme që asaj i pëlqenin edhe salcat që shkojnë me atë ushqim të veçantë. Për këtë arsye, ajo kishte nxjerrë edhe salcat e saj, në ambalazhe kolektive. Salcat mund të shoqërojnë gjithçka: si pjatënkryesore, ashtu edhe sallatën.

Dashuria e saj për alkoolin

Kokteji i saj i preferuar ishte martini i thatë, por në përgjithësi monarkes i pëlqente pirja, e preferuara e saj ishte xhin dhe madje kishte prodhimin e saj në pallat. Kohët e fundit, ajo madje lançoi birrën e prodhuar nga të korrat në pronën e saj, Sandringham në Norfolk, ndërsa pak më parë u lëshua një varietet i ri xhini që është distiluar duke përdorur xhinin klasik Buckingham të përzier me “kumbulla të tëra të egra që janë mbledhur me dorë”, thuhet në njoftimin nga pallati. Mirëpo kohët e fundit mjekët ia kishin ndaluar mbretëreshës të konsumonte alkool për arsye shëndetësore.

Ajo i donte kubat e saj të akullit të rrumbullakëta

Një veçori e Mbretëreshës Elizabeth ishte si vijon: ajo gjithmonë donte që kubat e saj të akullit të ishin të rrumbullakëta. Kjo nuk vlente vetëm për pijet e saj, por edhe për atë që shërbehej në pallat. Arsyeja do t’ju habisë: kubet e rrumbullakëta të akullit, në krahasim me katrorët klasikë, nuk bëjnë aq zhurmë kur godasin njëri-tjetrin në gotë…

Ëmbëlsira e saj e preferuar

Ëmbëlsira e saj e preferuar ishte torta me biskota me çokollatë, e cila, sipas përshkrimeve të shefave të kuzhinës, dukj si mozaik. Burimet e Pallatit kishin përmendur në intervista se ajo nuk e ndante me askënd dhe nëse i kishte mbetur ndonjë copë dhe duhej të nisej për një udhëtim urgjent, duhej ta paketonte që ta merrte me vete! Megjithatë, mos imagjinoni se ka ngrënë sasi të mëdha. I mjaftonte 1 copë e vogël.