Publikohen pamjet e grabitjes në qendrën tregtare “Concord” në Tiranë.
Sipas pamjeve nga kamerat e sigurisë, autori, 42-vjeçari me inicialet L. M. futet i maskuar në pikën e këmbimit valutor dhe me armë në dorë, kërcënon punonjëset që t’i japin lekët.
Policia e Tiranës arrestoi autorin e grabitjes.
Ngjarja ndodhi rreth orës 09:00, kur autori hyri në ambientet e Exchange-it dhe, duke kërcënuar me armë zjarri, mori një shumë parash rreth 3 milionë lekë të vjetra.
Pas grabitjes, ai u largua nga vendi i ngjarjes duke përdorur një motor.
Policia nisi menjëherë kërkimet dhe, pas identifikimit të të dyshuarit, bëri të mundur arrestimin e tij./ Zoom.al
