Një studim i fundit tregon se konsumimi i ushqimimit të duhur mund të zvogëlojë rrezikun e infektimit me COVID-19.

Studiuesit nga Spitali i Përgjithshëm i Massachusetts në Boston dolën në përfundimin se një e treta e rasteve me coronavirus mund të ishin shmangur nëse njerëzit do të kishin një dietë të shëndetshme me shumë fruta dhe perime.

Rezultatet e studimit tregojnë se personat që konsumuan një dietë më të shëndetshme kishin 9% më pak rrezik në infektimin me coronavirusin.

Gjithashtu këta persona kishin 41% më pak të ngjarë të zhvillonin simptoma të rënda të sëmundjes së COVID-19.

Studimi mori në shqyrtim 592.571 individë nga Shtetet e Bashkuara të Amerikës dhe Mbretëria e Bashkuar midis marsit dhe dhjetorit të vitit 2020.

Nga ana tjetër studimi tregon se obeziteti dhe diabeti i tipit 2 mund të sjellin komplikime të rënda të COVID-19, pavarësisht se çfarë diete konsumon një person me këto sëmundje.

Studiuesit i kanë bërë thirrje qeverive që t’i japin përparësi ushqimit të shëndetshëm dhe mirëqenies me politika të cilat kanë ndikim.