Pas fitores 3-0 në derbin e Manchester-it, trajneri i City-t, Pep Guardiola deklaroi se është i habitur me gjendjen aktuale te United.
Në konferencën e dhënë për mediet pas këtij triumfi, spanjolli theksoi se në kohën kur ai mori drejtimin e “Citizens” kundërshtarët e tyre, “Djajtë e Kuq” kishin emra si Mourinho në stol dhe Ibrahimovic në skuadër, ndërsa shton se tani duket sikur United nuk dëshiron të konkurrojë për titullin.
“Unë e di se çfarë kemi bërë në në vitet e fundit, por nuk e di se çfarë ka bërë Manchester United dhe nuk mund të shpjegoj pse ata nuk po luftojnë për titullin. Nuk e prisja, sinqerisht, kur unë mbërrita në Premier League, te Manchester United ishte Jose Mourinho në pankinë, Ibrahimovic në sulm dhe Lukaku firmosi në 2017…”, tha Pep. /zoom.al/
