Situata e tensionuar në Lindjen e Mesme po shoqërohet me presion të ri nga Shtetet e Bashkuara ndaj aleatëve europianë. Presidenti amerikan Donald Trump u ka kërkuar vendeve të Europës që të marrin masa konkrete për të kontribuar në sigurinë e Ngushticës së Hormuzit, një nga pikat më të rëndësishme për transportin global të naftës.
Sipas raportimeve të medias gjermane, Sekretari i Përgjithshëm i NATO, Mark Rutte, u ka përcjellë qeverive europiane mesazhin se Uashingtoni pret angazhime të qarta dhe të shpejta. Këto përfshijnë jo vetëm mbështetje politike, por edhe dërgimin e anijeve luftarake apo kapaciteteve të tjera ushtarake në rajon.
Burimet theksojnë se deklaratat formale të mëparshme nuk konsiderohen më të mjaftueshme nga administrata amerikane, duke rritur kështu presionin mbi aleatët për veprime konkrete në terren.
Ndërkohë, kryeministri britanik Keir Starmer ka zhvilluar një vizitë në Emiratet e Bashkuara Arabe për të diskutuar mbi zhvillimet e fundit dhe koordinimin e mundshëm rajonal.
Në të njëjtën kohë, Komisioneri Europian për Ekonominë, Valdis Dombrovskis, paralajmëroi se tensionet dhe vendimet ekonomike që mund të pasojnë, si pezullimi i rregullave fiskale të BE-së, rrezikojnë të çojnë në një goditje të fortë për ekonominë europiane./ Zoom.al
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
