Babai i futbollistit të Liverpoolit me origjinë kolumbiane, Luis Díaz është liruar nga guerilët 13 ditë pasi e rrëmbyen.

Luis Manuel Díaz iu dorëzua Kombeve të Bashkuara dhe zyrtarëve të kishës katolike nga anëtarët e Ushtrisë Çlirimtare Kombëtare (ELN).

Ai u rrëmbye më 28 tetor në vendlindje, Barrancas. Gjithashtu u rrëmbye edhe nëna e futbollistit, por u lirua brenda pak orësh.

Mediat lokale raportuan se Manuel Díaz ka udhëtuar me helikopter ushtarak në qytetin e Valledupar, ku do t’i nënshtrohej një ekzaminimi mjekësor përpara se të kthehej te familja e tij.

Mësohet se ai është në një gjendje të mirë shëndetësore dhe s’ka shenja keqtrajtimi.

Sipas gazetës El Tiempo, me familjaret e Luiz kanë shpërthyer në lot në momentin kur babai i futbollistit u lirua dhe kanë dalë në rrugë me makinat e tyre për të festuar.

Shumica prej tyre ishin të veshur me fanella të skuadrës së Liverpool-it që mbanin numrin 23 dhe emrin e Luis Díaz.

Menaxheri i Liverpool-it, Jurgen Klopp, i tha TNT Sports se futbollisti ishte “me të vërtetë i lumtur”.

“Ne jemi të kënaqur me lajmin e kthimit të sigurt të babait të Luis Diaz dhe falënderojmë të gjithë ata që janë përfshirë në sigurimin e lirimit të tij”, tha klubi në Twitter.

Presidenti Gustavo Petro ka reaguar në X duke shkruar: “Rroftë Liria dhe Paqja”.

Federata Kolumbiane e Futbollit lëshoi ​​një deklaratë duke falënderuar të gjithë ata që janë përgjegjës për lirimin e Luis Manuel Díaz, duke përfshirë qeverinë, ushtrinë dhe policinë.

Ai shtoi: “Futbolli është pasion në paqe. Askush të mos mendojë të sulmojë përsëri.”