Son Heung-min pritet t’i bashkohet Los Angeles FC për rreth 20 milionë paund, pasi njoftoi largimin e tij nga Tottenham gjatë fundjavës.
Sulmuesi zbuloi në një konferencë për shtyp të shtunën se do të largohet këtë verë pas 10 vitesh në klub.
Dhe 33-vjeçari duket se është gati t’i bashkohet Major League Soccer (MLS) për atë që mund të jetë një shumë rekord, duke tejkaluar potencialisht 22.5 milionë paund të paguara nga Atlanta United për të nënshkruar me Emmanuel Latte Lath nga Middlesbrough në shkurt.
Detajet e fundit mbeten në diskutim, por transferimi i tij në LAFC tani konsiderohet se i nënshtrohet vetëm përfundimit të dokumenteve dhe vizitave mjekësore.
Son, i cili ka kontratë me Spurs deri në vitin 2026, luajti atë që pritet të jetë paraqitja e tij e fundit për Tottenham në një miqësore parasezonale 1-1 kundër Newcastle në Seul të dielën.
Ai u përqafua nga shokët e tij të ekipit Spurs dhe lojtarët e ekipit kundërshtar të Newcastle. Ndërsa përgatitjet para-sezonale të Tottenham tani i çojnë ata në Gjermani për t’u përballur me Bayern Munich të enjten – dhe një ribashkim me Harry Kane – Son pritet të shijojë pak kohë në vendlindjen e tij, Korenë e Jugut.
I ardhur nga Bayer Leverkusen në vitin 2015, Son shënoi 173 gola në 454 paraqitje për Tottenhamin.
Ai ishte kapiten kur Tottenham mundi Manchester United në finalen e Europa League në maj për të siguruar trofeun e tyre të parë në 17 vjet./ZOOM.AL
