Twitter ndryshoi logon këtë të hënë, 24 korrik 2023. Elon Musk ka zgjedhur “X”, një logo të cilën ai e ka pjesë në bizneset e tjera të tij, si “Space X”.

Drejtoresha ekzekutive e Twitter, Linda Yaccarino ishte e para që e konfirmoi logon e re duke e postuar atë në rrjetin social.
“X-i është këtu! Le ta bëjmë këtë gjë” – shkruajti ajo në Twitter.

Elon Musk u kishte kërkuar 149 milionë ndjekësve të tij në Twitter që të jepnin ide për logon e re.

Por mesa duket ai e kishte një ide të qartë në kokë. Ai ka kohë që mendon se “X” mund të jetë një “aplikacion për gjithçka”, siç e pati deklaruar përpara se ta blinte Twitter-in. Ai pati thënë se kjo platformë do të ishte si “përshpejtim për të krijuar X-in, aplikacionin për gjithçka.”

Koncepti i X-it është modeluar në WeChat, një aplikacion kinez që i lejon përdoruesit për të performuar funksione të ndryshme nga mesazhet e deri te porositja e një taksiee apo te pagesat e faturave të ndryshme.

“Ju praktikisht jetoni në WeChat në Kinë. Nëse mund ta rikrijojmë atë gjë me Twitterin, do të ishte sukses i madh” – raportohet t’u ketë thënë Musk punonjësve të tij në muajin qershor.

Drejtoresha ekzekutive Yaccarino i dha disa detaje se si pret që X-i të funksionojë përmes një postimi në Twitter, duke thënë që biznesi do të ishte i mundësuar nga inteligjenca artificiale dhe se do të isthe i përqendruar në “audio, video, mesazhe, pagesa bankare”. /Zoom.al