Numri i të vdekurve nga flakët që përfshiu disa blloqe apartamentesh në Wang Fuk Court është rritur në 94 viktima.
Një zëdhënës i qeverisë tha për AFP se shuarja e zjarrit ka përfunduar dhe flakët janë shuar kryesisht.
Të paktën 76 persona janë plagosur dhe gati 300 të tjerë janë të zhdukur. Ndërkohë qindra janë evakuuar në strehimore të përkohshme.
Ndërsa priten më shumë detaje nga autoritetet, shumë familje janë të dëshpëruara për më shumë informacion mbi të dashurit e tyre të zhdukur.
Të premten, autoritetet thanë se më shumë se 50 persona ishin ende në spital, me 12 në gjendje kritike dhe 28 në gjendje të rëndë. Në një spital në Sha Tin, një grua me mbiemrin Wong po kërkonte kunatën e saj dhe binjaken e kunatës së saj.
“Ende nuk mund t’i gjejmë. Kështu që po shkojmë në spitale të ndryshme për të pyetur nëse kanë lajme të mira”, tha 38-vjeçarja për Agence France-Presse duke qarë.
/Zoom.al
Hodhi ujë drejt Ramës, përjashtohet nga seanca Gazment Bardhi
