Lajmi është më i fundit dhe gjërat ende nuk janë të qarta, por gjithçka tregon se “Toyota” do të duhet të heqë nga tregu dhe përmirësojë baterinë e saj 12 V, në makinat e saj elektrike. Informacionet e fundit të publikuara në Ars Technica dhe The Conversation, tregojnë se kompania e makinave ka tërhequr mbi 1.8 milionë mjete këtë javë.

Të dhënat e verifikuara kanë raportuar se ka “rrezik potencial zjarri baterie”, për shkak të baterisë 12 V. Toyota nuk ka heshtur në gjithë këtë rrëmujë dhe në komentet për mediat është shprehur se problemet janë për shkak të diferencës, në përmasat e baterive zëvendësuese.

Toyota pa kurth, makinat duhet të hiqen

Kjo përkthehet në diçka shumë të thjeshtë që do të jetë e njohur për të gjithë ne, pasi mund të ndodhë në më shumë rrethana dhe jo vetëm në makina. Kur një bateri me një kapak më të vogël hyn në motor dhe kapësja që e mban nuk e kap siç duhet, ajo mund të kontaktojë kur lëviz nëpër qoshe të ngushta. Ky kontakt krijon rrezikun e shkaktimit të një qarku të shkurtër.

“Toyota” gjithashtu ka raportuar se problemi prek RAV4 nga viti 2013 deri në vitin 2018, të cilët sipas vetë markës janë gjithsej 1,854,000 të regjistruar në mbarë botën. Ndaj pronarët dhe kompania presin që agjencia përgjegjëse për sigurinë rrugore të lëshojë një njoftim zyrtar për tërheqje.

Kompania shpreson që së shpejti do të jetë në dispozicion një kapëse e re mbajtëse për të rregulluar më mirë baterinë. Sërish kompania ka deklaruar se pronarët do të njoftohen në fund të dhjetorit për tërheqjen.

“Toyota” është aktualisht një nga markat më të kërkuara të makinave në botë. Falë masave të sigurisë dhe raportit të mirë cilësi-çmim, ajo ka arritur të jetë një nga kompanitë lider. Një nga makinat më të suksesshme në vitet e fundit është Toyota C-HR hibride, pa prizë. Pak kohë më parë ajo publikoi koncept-art të modeleve të tij të reja. /ZOOM.AL/