Një tërmet me magnitudë 4.2 të shkallës Rihter është regjistruar pasditen e kësaj të shtune në zonën e Elbasanit, duke shkaktuar lëkundje që janë ndjerë edhe në Durrës.
Sipas të dhënave paraprake, epiqendra e tërmetit ka qenë rreth 22 kilometra në jugperëndim të Elbasanit dhe 16 kilometra në verilindje të Lushnjës, ndërsa thellësia është regjistruar 10 kilometra.
Lëkundjet kanë krijuar shqetësim tek banorët e zonës, por deri në këto momente nuk raportohen persona të lënduar apo dëme materiale. Autoritetet po vijojnë të monitorojnë situatën./ Zoom.al
